Іс-шара аясында «Жасыл ұрпақ бәйгесі» республикалық экологиялық жобалар байқауы өтті. Байқаудың финалына Қазақстанның түкпір-түкпірінен қатысқан 100-ден астам команданың ішінен 20 команда жолдама алды. Үш жыл бойы өткізіліп келген бұл байқау 2023 жылы алғаш рет республикалық деңгейге көтерілді. Бұған дейін байқау еліміздің тек батыс өңірлерін қамтыған болатын.
Байқау қорытындысы бойынша үздік 5 жоба өздерінің экологиялық жобаларының прототиптерін жүзеге асыру үшін әрқайсысы 1 миллион теңге көлемінде грант алды.
Фестиваль барысында қатысушылар үшін экология және білім берудегі заманауи үрдістер туралы ғылыми-танымдық дәрістер, химия мен биология бойынша практикалық сабақтар, граффити өнері бойынша шеберлік сабақтары, шахмат турнирі, сондай-ақ халықаралық және республикалық олимпиадалардың жүлдегерлері өткізген химиялық және биологиялық сайыстар және басқа да қызықты іс-шаралар ұйымдастырылды.

2024 жылғы 30 қарашада Қазақстанның астанасы Астана қаласында республикалық экологиялық жобалар байқауын қорытындылаған «NXplorers: Әлемге саяхат» фестивалі өтті.
Байқауға еліміздің түкпір-түкпірінен 122 мектеп жобасы ұсынылып, олардың 20-сы финалға жолдама алды. Финалистер өз жобаларын фестиваль барысында қорғады.
Фестиваль кеңістігі әлемнің үлгісі ретінде ұйымдастырылды. Әрбір аймақ немесе интерактивті алаң NXplorers әдістемесі қолданылатын әлемнің 17 елінің бірін немесе бірнешеуін таныстырды.

Shell NXplorers халықаралық бастамасы аясында жүзеге асырылатын «NXplorers: Жасыл ұрпақ бәйгесі» бағдарламасының қорытынды іс-шарасы және республикалық ғылыми-танымдық фестиваль.
Фестиваль мен акселерациялық бағдарлама 2025 жылғы 25–28 қараша аралығында Астана қаласында өтіп, еліміздің түкпір-түкпірінен келген экологиялық жобалар байқауының финалистерін, педагогтерді, сарапшыларды, серіктестерді және білім беру ұйымдарының өкілдерін біріктірді.